უკრაინის პრეზიდენტმა ვოლოდიმირ ზელენსკი ვირტუალური შეხვედრა გამართა ევროპელ ლიდერებთან, რომელთა შორის იყვნენ პოლონეთის პრეზიდენტი კაროლ ნავროცკი, ესტონეთის პრეზიდენტი ალარ კარისი, ლატვიის პრეზიდენტი ედგარს რინკევიჩსი, ლიეტუვის პრეზიდენტი გიტანას ნაუსედა და დანიის პრემიერ-მინისტრი მეტე ფრედერიკსენი.

ლიდერებმა განიხილეს უკრაინის უსაფრთხოების დაცვის ახალი ვარიანტები, სამშვიდობო შეთანხმების მიღწევის შემთხვევაში.

უსაფრთხოების გარანტიებზე საუბრისას, ზელენსკიმ ევროპელ კოლეგებს განუცხადა, რომ კიევს "მკაფიო პასუხები" სჭირდება.

"ვინ დაგვეხმარება დაცვაში მიწაზე, ჰაერში და ზღვაზე, თუ რუსეთი კვლავ მოვა? და როგორ შეგიძლიათ, ამაში მონაწილეობა მიიღოთ? მე გთხოვთ, განსაზღვროთ თქვენი როლი. მნიშვნელოვანია, პრეზიდენტმა დონალდ ტრამპმა დაინახოს, რომ ჩვენ ევროპაში ერთიანები ვართ ომის დასრულების გადაწყვეტილებაში", - განაცხადა ზელენსკიმ.

მან ასევე გაიმეორა მოწოდებები რუსეთის მიმართ უფრო მკაცრი სანქციების დაწესების შესახებ.