11 ოქტომბერს გამართული სატელეფონო ზარის დროს უკრაინის პრეზიდენტი ვოლოდიმირ ზელენსკი აშშ-ს პრეზიდენტ დონალდ ტრამპს კიევისთვის Tomahawk-ის შორი რადიუსის რაკეტების მიწოდების საკითხზე ესაუბრა. 

ამის შესახებ Axios ორ წყაროზე დაყრდნობით იუწყება. 

წყაროებმა არ დააკონკრეტეს, მიღებულია თუ არა საბოლოო გადაწყვეტილება.

საუბრის შესახებ ინფორმირებული ერთ-ერთი პირის თქმით, სატელეფონო ზარი დაახლოებით 30 წუთს გაგრძელდა.

ზელენსკიმ სატელეფონო საუბრის შემდეგ დაწერა, რომ მასსა და ტრამპს შორის პოზიტიური და პროდუქტიული საუბარი შედგა. 

"ჩვენ განვიხილეთ ჩვენი საჰაერო თავდაცვის გაძლიერების შესაძლებლობები და ის შეთანხმებები, რომლებსაც ამ მხრივ ვამზადებთ.

არსებობს კარგი ვარიანტები, ძლიერი იდეები, თუ რეალურად როგორ გავაძლიეროთ ჩვენი ძალები,“ - დაწერა ზელენსკიმ.