უკრაინაში ომის დასრულების მოლაპარაკების პროცესში პროგრესს მივაღწიეთ, მაგრამ ჯერ კიდევ გვაქვს სამუშაო, მოლაპარაკებები ორ რამეს მოითხოვს: ორივე მხარემ რაღაც უნდა მიიღოს და რაღაც უნდა დათმოს - მარკო რუბიო

აშშ-ის სახელმწიფო მდივანმა, მარკო რუბიომ, განაცხადა, რომ ვაშინგტონმა უკრაინაში ომის დასრულებასთან დაკავშირებულ მოლაპარაკებებში „მნიშვნელოვან პროგრესს“ მიაღწია, თუმცა აღნიშნა, რომ ჯერ კიდევ ბევრი სამუშაოა გასაკეთებელი და ყველაზე რთული საკითხები, როგორც წესი, ბოლოს  რჩება გადასაჭრელად. ამის შესახებ The Guardian იუწყება.

რუბიომ განაცხადა, რომ აშშ-ის ადმინისტრაციამ უკრაინაში ომის დასრულების მოლაპარაკებების პროცესში „უზარმაზარი დრო და ენერგია“ ჩადო რუსეთის მიერ უკრაინის წინააღმდეგ ომის დასრულებაში და „ცდილობს გაარკვიოს, რასთან შეუძლია შეგუება უკრაინას და რასთან შეუძლია შეეგუება რუსეთს“.

„[ჩვენ გვსურს] ორივე მხარის პოზიციების განსაზღვრა და ვნახოთ, შეგვიძლია თუ არა მათი დაახლოება რაიმე სახის შეთანხმების მისაღწევად. მოლაპარაკებები ორ რამეს მოითხოვს: ორივე მხარემ რაღაც უნდა მიიღოს და ორივე მხარემ რაღაც უნდა დათმოს“, - განაცხადა სახელმწიფო მდივანმა.

„და ჩვენ ვცდილობთ გავარკვიოთ, რა შეუძლია რუსეთს მისცეს და რის მიღებას ელის? რა შეუძლია უკრაინას მისცეს და რის მიღებას ელის?

საბოლოო ჯამში, უკრაინის გადასაწყვეტია და არა რუსეთის ან შეერთებული შტატების“, - თქვა მან.

რუბიომ განაცხადა, რომ „საქმე არ ეხება ვინმესთვის შეთანხმების იძულებას“, არამედ ინტერესთა „გადაკვეთის“ წერტილების პოვნის მცდელობას.

„ვფიქრობ, ჩვენ პროგრესს მივაღწიეთ, მაგრამ ჯერ კიდევ გვაქვს სამუშაო და ცხადია, ყველაზე რთული საკითხები ყოველთვის ბოლოს განიხილება“, - თქვა მან.