ბრიტანეთის საგარეო საქმეთა მინისტრი, ალექსეი ნავალნის მოწამვლის გამო, რუსეთის წინააღმდეგ სანქციების დაწესებას განიხილავს

ევროპული ქვეყნების ჯგუფთან თანამშრომლობით ჩატარებულმა კვლევამ დაადასტურა რუსი ოპოზიციონერი ლიდერის ალექსეი ნავალნის მოწამვლით გარდაცვალება, რის შემდეგაც დიდ ბრიტანეთს სურს რუსეთის წინააღმდეგ ზომების ხილვა. ამის შესახებ ბრიტანეთის საგარეო საქმეთა მინისტრმა ივეტ კუპერმა განაცხადა. იუწყება BBC

კუპერი რუსეთის წინააღმდეგ სანქციებს განიხილავს.

კუპერმა აღნიშნა, რომ მხოლოდ რუსეთის ხელისუფლებას ჰქონდა „საშუალებები, მოტივი და შესაძლებლობა“, იშვიათი შხამი გამოეყენებინა პატიმრობაში მყოფი ოპონენტის წინააღმდეგ.

„ევროპელი მინისტრთა ჯგუფმა დასკვნები ქიმიური იარაღის აკრძალვის ორგანიზაციას (OPCW) აცნობა, რათა უზრუნველყოს ამ საკითხის შესწავლა, რადგან ჩვენ ამას საერთაშორისო წესებისა და ქიმიური იარაღის კონვენციის აშკარა დარღვევად მივიჩნევთ. ამიტომ, ჩვენ გვსურს ვიხილოთ ქმედებები და გარკვეული ნაბიჯები ადამიანების სამართლიანობის წინაშე წარსადგენად“, - განაცხადა მინისტრმა.

როდესაც ჰკითხეს, თუ რა ნაბიჯების გადადგმა შეუძლია დიდ ბრიტანეთს თავისი მხრიდან, მან აღნიშნა, რომ ეს შეიძლება მოიცავდეს „კოორდინირებულ ქმედებებს, მათ შორის რუსეთის რეჟიმის წინააღმდეგ სანქციების გამკაცრებას“.

შეგახსენებთ, ხუთი ევროპული ქვეყნის მთავრობამ 14 თებერვალს ერთობლივად განაცხადა, რომ რუსი ოპოზიციონერი ალექსეი ნავალნი, 2024 წელს გარდაცვალებამდე,  ხის ბაყაყის შხამით, ეპიბატიდინით, მოწამლეს.