„ტიტანიკის“ უკანასკნელი ტრაპეზის მენიუ 88 ათას დოლარად გაიყიდა

ცნობილი ლაინერის „ტიტანიკის“ უკანასკნელი ლანჩის მენიუ 88 ათას დოლარად გაიყიდა. კერძების ჩამონათვალი პირველი კალსის მგზავრმა შემოინახა, რომელიც კატასტროფას ცოცხალი სამაშველო ნავის დახმარებით გადაურჩა.

როგორც Associated Press-ი აღნიშნავს, Lion Heart Autographs-ის აუქციონის სახლმა მენიუსთან ერთად სამაშველო ნავზე ნაპოვნი თურქული აბანოს ბილეთი და ერთ-ერთი მგზავრის წერილი გამოიტანა. აუქციონი ლაინერის ნამსხვრევების პოვნიდან 30 წლისთავს მიეძღვნა. მენიუს ჩამონათვალშია ქათამი მერილანდურად, პელმენი, ცხვრის ნეკნები გრილზე, შებოლილი სარდინი, დამარილებული ძროხის ხორცი და გერმანული ლუდი.

აბანოს ბილეთი 11 ათას, წერილი კი - 7,5 ათას დოლარად გაიყიდა.

უნიკალური ნივთების ახალი მფლობელის ვინაობა უცნობია. აუქციონზე ნივთები გამოიტანა უცნობმა პირმა, რომელსაც ისინი გადარჩენილი მგზავრის შთამომავალმა გადასცა.

„ტიტანიკი“ 1912 წლის 14 აპრილს ჩაიძირა. კატასტროფას 1 500-ზე მეტი ადამიანი ემსხვერპლა, გადარჩენა კი მხოლოდ 750-მა მგზავრმა შეძლო.