ფხენიანი ვაშინგტონს ხელისუფლების დამხობის მომზადებაში ადანაშაულებს

ფხენიანი გაეროს უშიშროების საბჭოს მოწვევას ითხოვს. ჩრდილოეთ კორეის ხელისუფლების განცხადებით, აშშ-ის მიერ ინსპირირებული გადატრიალების საფრთხე არსებობს.

როგორც CNN-ი წერს, გაეროს უშიშროების საბჭოში ჩრდილოეთ კორეის წარმომადგენელმა ჩა სონმა საბჭოს თავმჯდომარეს მიმართა წერილით, სადაც ვაშინგტონი და სეული ჩრდილოეთ კორეის ხელისუფლების დამხობისა და სოციალური წყობის შეცვლის მცდელობაში დაადანაშაულა.

ამის მიზეზი ჩრდილოეთ კორეის საზღვართან ამერიკისა და სამხრეთ კორეის ერთობლივი ფართომასშტაბიანი სამხედრო სწავლება გახდა.

სამხედრო სწავლება სამხრეთ კორეაში ყოველწლიურად ტარდება. 2016 წელს მასში მონაწილეობას მიიღებს 300 ათასი სამხრეთკორეელი და 17 ათასი ამერიკელი ჯარისკაცი, მეზღვაური და მფრინავი. ფხენიანი ერთმნიშვნელოვნად აპროტესტებს სამხედრო საწვლებას და მას ჩრდილოეთ კორეის ხელისუფლების დამხობისთვის მოსამზადებელ ღონსიძიებად აფასებს.