უკრაინის პირველი ლედი მიშელ ობამას სავჩენკოს გათავისუფლების კამპანიისთვის მხარდაჭერას სთხოვს

საქართველო, თბილისი - 15:09 | 21.03.2016

ნანახია: 1947

უკრაინის პრეზიდენტის მეუღლე მარინა პოროშენკო აშშ-ის პირველ ლედის მიშელ ობამას მოუწოდებს მხარი დაუჭიროს ნადეჟდა სავჩენკოს გათავისუფლებისთვის დაწყებულ საერთაშორისო კამპანიას. ამის შესახებ უკრაინის პრეზიდენტის პრეს-სამსახური იტყობინება.

”ძვირფასო მიშელ, ვიმედოვნებ, რომ თქვენი ხმა არამხოლოდ შეურთდება საერთაშორისო კამპანიას ნადეჟდა სავჩენკოს გათავისუფლებისა და სამშობლოში დაბრუნების შესახებ, არამედ ბიძგს მისცემს უკრაინის დანარჩენი მოქალაქეების - მათ შორის ოლეგ სენცოვის, ალექსანდრ კოლჩენკოს, გენადი აფანასიევის, ახმედ ჩიიგოზის გათავისუფლების პროცესს”, - ციტირებს პრეს-სამსახური უკრაინის პირველი ლედის წერილს.

დღეს დონეცკის სასამართლომ ორი რუსი ჟურნალისტის მკვლელობისა და რუსეთის ფედერაციის საზღვრის უკანონოდ გადაკვეთისთვის სავჩენკო ბრალდებულად ცნო. ამ დროისათვის განაჩენის გამოცხადების პროცესი გრძელდება. საბოლოო ვერდიქტი 22 მარტს გახდება ცნობილი. ნადეჟდა სავჩენკო ყველა ბრალდებას კატეგორიულად უარყოფს.