ბრიუსელის აეროპორტში მომხდარი აფეთქებების მსხვერპლთა რაოდენობა 17-მდე გაიზარდა

საქართველო, თბილისი - 12:19 | 22.03.2016

ნანახია: 1924

ბრიუსელის აეროპორტში მომხდარი აფეთქებების მსხვერპლთა რაოდენობა 17-მდე გაიზარდა. დაშავებულია 30-ზე მეტი ადამიანი.

დაღუპულების შესახებ მედიას ადგილზე მომუშავე სახანძრო და სამაშველო სამსახურების წარმომადგენლებმა განუცხადეს.
”ამ დროისათვის საუბარია 17 დაღუპულსა და ათობით დაშავებულზე. ადამიანების რაოდენობის დადგენა, რომლებმაც მსუბუქი დაზიანებები მიიღეს, რთულია. გაფრენის დარბაზში სადაც აფეთქებები მოხდა, ჭერი ჩამოინგრა”, - განუცხადეს ჟურნალისტებს სამაშველო სამხახურის წარმომადგნელებმა.

ბელგიის დედაქალაქის აეროპორტში ორი ძლიერი აფეთქების ხმა დღეს გაისმა. ბიბისის ინფორმაციით, აფეთქებები კომპანია American Airlines-ის სარეგისტრაციო პუნქტთან მოხდა. მომხდარის მიზეზები უცნობია. ეროპორტის შენობიდან მგზავრებისა და მომსახურე პერსონალის ევაკუაცია მოხდა.

ყველა რეისი გადადებულია. წინასწარი ინფორმაციით აეროპორტში ტერაქტი განხორციელდა.