დიმიტრი ქუმსიშვილი: არავის საქმე არ არის, ვის როგორ და ვისთან სძინავს

საქართელოს ვიცე-პრემიერი, დიმიტრი ქუმსიშვილი უმრავლესობის წევრის თამაზ მეჭიაურის განცხადებას გამოეხმაურა. მეჭიაური მიიჩნევს, რომ ვისზეც მაკომპრომატირებელი მასალები, ფარული ჩანაწერები არსებობს თანამდებობები უნდა დატოვონ. მართალია, დეპუტატის ეს განცხადება ქუმსიშვილს არ მოუსმენია, თუმცა ამ საკითხთან დაკავშირებით აღნიშნავს, რომ ნებისმიერი ჩანაწერი ამაზრზენია. 

"ნებისმიერი ჩანაწერი, პირადი ცხოვრების, არის ამაზრზენი, ისე, როგორც ამაზრზენია ამის შემდგომ ილუსტრირება. არავის საქმე არ არის, ვის როგორ სძინავს და ვისთან სძინავს", – განაცხადა ქუმსიშვილმა.