პალმირას აღდგენას ხუთი წელი დასჭირდება

”ისლამური სახელმწიფოს” მიერ განადგურებული უძველესი ქალაქის - პალმირას აღდგენას ხუთი წელი დასჭირდება.
ამის შესახებ სირიის სიძველეებისა და მუზეუმების დეპარტამენტის განცხადებაშია ნათქვამი.

”თუ იუნესკოს თანხმობას მივიღებთ, ხუთი წელი დაგვჭირდება იმისათვის რომ აღვადგინოთ დანგრეული და დაზიანებული ძეგლები”, - აღნიშნა უწყების ხელმძღვანელმა მამუნ აბდელ კერიმმა.

სირიის სამთავრობო არმიამ პალმირა ”ისლამური სახელწმიფოს” მებრძოლებისგან 27 მარტს გაათავისუფლა.

უძველესი ქალაქი იუნესკოს მსოფლიო მემკვიდრეობის ძეგლად არის აღიარებული. ის ტერორისტებმა 2015 წლის მაისში დაიკავეს.

პალმირა ჩვ. წ.აღ-მდე პირველ საუკუნესა და ჩვ.წ.აღ-ით მესამე საუკუნეებში წინა აზიაში მნიშვნელოვან ადგილს იკავებდა. მასზე გადიოდა მთავარი სავაჭრო გზები.

2015 წლის მაისიდან ”ისლამური სახელმწიფოს” მებრძოლებმა პალმირას უძველესი კულტურის უმოწყალო განადგურება დაიწყეს. ამ დროის განმავლობაში ტერორისტებმა რამდენიმე ღირშესანიშნაობა ააფეთქეს, მათ შორის ბელასა და ბაალშამინის ტაძრები, ასევე ანტიკური ხანის ტრიუმფალური თაღი.