ბრიტანეთის თავდაცვის მინისტრი: რუსეთი ასადის ოპოზიციას ბომბავს

რუსეთი სირიის უწესრიგო დაბობვას ახორციელებს, რომელიც მშვიდობიანი ადამიანების დაღუპვას იწვევს. ამის შესახებ დიდი ბრიტანეთის თავდაცვის მინისტრმა მაიკლ ფელონმა განაცხადა.

გაზეთ Sun-სთვის მიცემულ ინტერვიუში მან აღნიშნა, რომ მოსკოვი მხოლოდ ბაშარ ასადის ოპოზიციის ძალებს ბომბავს და არა „ისლამისტურ სახელმწიფოს“.

ფელონის თქმით, დაზვერვის წინასწარი მონაცემები მიანიშნებს იმაზე, რომ რუსული მხარის მიერ  მხოლოდ 20 ავიადარტყმა იყო ისლამისტების წინააღმდეგ მიმართული.

 „ჩვენ ყოველ დილით ავიადარტყმების ადგილ-მდებარეობის ანალიზს ვაკეთებთ. უმრავლესობა „ისლამური სახელმწიფოს“ წინააღმდეგ არ არის მიმართული“, - განაცხადა ფელონმა. მანამდე აშშ აცხადებდა, რომ რუსეთი ბაშარ ასადის ამბოხებულებს ბომბავს და მათი ავიაიერიშები მხოლოდ ისლამური სახელმწიფოს პოზიციებს ამაგრებს.

მოსკოვის მტკიცებით, ავიადარტყმების სამიზნეები მხოლოდ ისლამისტების პოზიციებია და მშვიდობიანი მოსახლეობის დაღუპვის ფაქტებს კატეგორიულად უარყოფს.