ყარაბაღში კონფლიქტის მხარეები ცხედრების მოძებნის მიზნით ცეცხლს შეწყვეტენ

აზერბაიჯანი და მთიანი ყარაბაღი შეთანხმდნენ დაღუპული ჯარისკაცების ცხედრების მოძებნის მიზნით დღის მეორე ნახევრიდან ცეცხლის შეწყვეტის შესახებ. ამის შესახებ მედიას არაღიარებული მთიანი ყარაბაღის რესპუბლიკის არმიის წარმომადგენელმა განუცხადა.

”დღეს 15:00-დან 20:00 სთ-მდე შეთანხმების მიხედვით მთლიანდ შეწყდება ცეცხლი ფრონტის ხაზის ჩრდილოეთ და სამხრეთ მიმართულებით”, - განუცხადა არაღიარებული მთიანი ყარაბაღის რესპუბლიკის არმიის პოლკოვნიკმა მედიას. მისი თქმით, ეს აუცილებელია ყარაბაღისა და აზერბაიჯანის არმიის უგზოუკვლოდ დაკარგული და დაღუპული ჯარისკაცების მოსაძებნად.

შეთანხმება ცეცხლის შეწყვეტის შესახებ აზერბაიჯანის თავდაცვის სამინიტროს პრეს-სამსახურშიც დაადასტურეს.

”ეუთოს ბაქოს ოფისისა და საერთაშორისო კომიტეტის წითელი ჯვრის შუამავლობით 8 აპრილს ბრძოლის ველზე დარჩენილი ორივე მხარის სამხედრო მოსამსახურეების ცხედრების გატანა იგეგმება”, - ნათქვამია უწყების განცხადებაში.