ყაზახეთში პედოფილებს ქიმიურ კასტრაციას ჩაუტარებენ

ყაზახეთის პრეზიდენტმა ნურსულთან ნაზარბაევმა ხელი მოაწერა კანონში ცვლილებას ბავშვთა უფლებების დაცვის შესახებ. კანონის შესაბამისად ყაზახეთში ამიერიდან პედოფილებს იძულებით ქიმიურ კასტრაციას ჩაუტარებენ.

დოკუმენტზე ხელის მოწერის შესახებ პრეზიდენტის საიტზე გამოქვეყნებულ განცხადებაშია ნათქვამი, კანონის ტექსტი კი ადგილობრივ პრესაში დაიბეჭდა.

კანონში შეტანილი ცვლილება ამკაცრებს სასჯელს სექს-დამნაშავეების მიმართ. პედოფილიაში ბრალდებულები ქიმიურ კასტრაციას დაექვემდებარებიან.

ქიმიური კასტრაცია წარმოადგენს მედიკამენტების გამოყენებით ლიბიდოს და სექსუალური აქტივობის დაქვეითებას.  ქიმიური კასტრაცია არ არის იგივე სტერილიზაცია, ვინაიდან ამ დროს ანატომიური ორგანოები შენარჩუნებულია.  მიიჩნევა, რომ ქიმიური კასტრაცია შექცევადია თუ მკურნალობა შეწყდება.

რუსეთში 2011 წელს მიიღეს კანონი, რომლის მიხედვითაც პედოფილებისთვის შესაძლებელია ქიმიური კასტრაციის გამოყენება.  დაახლოებით იგივე კანონია სამხრეთ კორეაში, ოღონდ ამ შემთხვევაში კასტრაცია უტარდებთ იმ ადამიანებს ვინც  გააუპატიურებს ადამიანს 16 წლამდე ასაკისას.

2012 წელს ესტონეთმა დაუშვა ქიმიური კასტრაციის გამოყენება სექს-დამნაშავეებთან დაკავშირებით.  ცოტა ადრე იგივე მოხდა პოლონეთში, გაერთიანებულ სამეფოში,  მოლდოვაში და ა.შ.

აშშ-ში მართალია იყენებენ ქიმიურ კასტრაციას, თუმცა  FDA -ის მიერ  არ არის დამოწმებული, როგორც სექს-დამნაშავეების მკურნალობა.