,,ქართული ოცნება“ შეეცდება გააყალბოს არჩევნები - არმაზ ახვლედიანი

„ქართული ოცნება - დემოკრატიული საქართველოს“ პოლიტიკური საბჭოს ყოფილი წევრი არმაზ ახვლედიანი აცხადებს, რომ მმართველმა პარტიამ ამოწურა ყველა შესაძლებლობა იმისთვის, რომ გადაქცეულიყო დემოკრატიულ პოლიტიკურ ორგანიზმად და ხელი შეეწყო საქართველოში პოლიტიკური პროცესის გაჯანსაღებისთვის,

,,ამასობაში კი ის მოახერხა, რომ აფერხებს პოლიტიკურ განვითარებას, ქვეყნის დემოკრატიულ წინსვლას. ვშიშობ, რომ ყრილობა, რომელიც კარს მომდგარია, ამას უბრალოდ ხელს შეუწყობს, ფასადურობა, მოჩვენებითობა, რომელიც გამეფებულია „ოცნებაში“, ყრილობაზე ალბათ უბრალოდ მიიღებს სხვა ხარისხს, ამის შემდეგ, პარტია გადაერთვება იმ გზაზე, რომ ნებისმიერი საშუალებით მოიგოს არჩევნები. არჩევნებში გამარჯვება ასეთ პარტიას ნამდვილად არ შეუძლია კონკურენტულ პირობებში, ამიტომ მიმართავს სხვა გზას, ჩვეულ გზებს და ამის საუკეთესო დემონსტრირებაა, თუ რა ადამიანებითაა დაკომპლექტებული პარტიის მმართველი ძალა, ისინი წლების განმავლობაში ახერხებდნენ, რომ გაეყალბებინათ, მოეტანათ სასურველი შედეგი, ხელმძღვანელებისთვის, ეთქვათ ყველაფერზე კი, და არასდროს - არა.  ეს უბედურება სჭირს „ქართულ ოცნებას“ და ვერ მოახერხა ამისგან თავის დაღწევა”, - განაცხადა არმაზ ახვლედიანმა.