ლატვიაში საქართველოს საელჩოში ევროპის დღე აღინიშნა

ევროპის დღისადმი მიძღვნილი ღონისძიებების ფარგლებში, ლატვიაში ევროკომისიის წარმომადგენლობის ინიციატივით და ლატვიის საგარეო საქმეთა სამინისტროს ხელშეწყობით, ლატვიაში საქართველოს საელჩომ  ღია კარის დღე გამართა.

საქართველოს საელჩომ 45-მდე სტუმარს უმასპინძლა, მათ შორის იყვნენ ლატვიის საჯარო სკოლის მოსწავლეები, სტუდენტები, გაცვლით პროგრამებში მონაწილე ახალგზარდები. 

მოწვეული სტუმრებისთვის საელჩომ პრეზენტაცია გამართა საქართველოს ისტორიის, ქართულ კულტურისა და ქვეყნის შესახებ საინტერესო ფაქტების  თაობაზე.

შეხვედრაზე ელჩმა ისაუბრა  ევროპულ და ევროატლანტიკური ინტეგრაციის გზაზე საქართველოს მიერ მიღწეულ პროგრესზე. 

შეხვედრის დასასრულს სტუმრებს საჩუქრად გადაეცათ  საქართველოს შესახებ საინფორმაციო მასალა.

აღსანიშნავია, რომ წელს ხსენებულ ღონისძიებაში მონაწილეობა მიიღეს ლატვიაში ევროკავშირის წევრი ქვეყნების (დანია, ესტონეთი, ფინეთი, გერმანია, იტალია, ირლანდია, ნიდერლანდები,პოლონეთი, სლოვაკეთი, შვედეთი) და აღმოსავლეთ პარტნიორობის ქვეყნების (საქართველო, უკრაინა, მოლდოვა) საელჩოებმა.