აშშ-მა სირიაში საზღვაო ქვეითები გადასხა - სირიის ოპოზიცია რაქის გასათავისუფლებლად იბრძვის

საქართველო, თბილისი - 15:01 | 25.05.2016

ნანახია: 1724

სირიის ქალაქ ჰასექში აშშ-მა 250-მდე საზღავო ქვეითი გადასხა.

მათ ახლავს მძიმე ტექნიკაც. სამხედროების გადასხმა რამდენიმე სატრანსპორტო თვითმფრინავით განხორციელდა. სავარაუდოდ საზღვაო ქვეითები ქალაქ თელ-აბიანის რაოონში გაემართებიან, სადაც სირიის ოპოზიცია და ქურთთა რაზმები ”ისლამური სახელმწიფოს” დასაყრდენი ქალაქის რაქის წინააღმდეგ მასირებულ შეტევას ახორციელებენ. ისინი კოალიციის ავიაციის დახმარებით ისლამისტების განდევნას ჯერ ქალაქის ჩრდილო-დასავლეთ რაიონიდან აპირებენ. ოპერაციაში დახმარებას მათ რუსეთიც დაპირდა, თუმცა პენტაგონში აცხადებენ, რომ მოსკოვთან ერთობლივი კამპანია ISIS-ის წინააღმდეგ არ იგეგმება.

მანადმე ვაშინგტონში განაცხადეს, რომ რაქის გათავისუფლებისთვის დაგეგმილი ოპერაციისთვის სირიაში საიდუმლოდ ჩავიდა აშშ-ის შეიარაღებული ძალების მეთაური ახლო აღმოსავლეთში ჯოზეფ ვოტელი.

ამასთან ”ისლამური სახელმწიფოს” მებრძოლებმა რაქაში თავი მოუყარეს დამატებით ძალებს, ასევე ციხეებიდან გამოუშვეს პატიმრები და ადგილობრივებს ქალაქის დატოვება აუკრძალეს.