ტოკიოს აეროპორტში თვითმფრინავს ცეცხლი გაუჩნდა, დაშავდნენ მგზავრები

ტოკიოს აეროპორტში კორეულ ავიალაინერს ცეცხლი გაუჩნდა, ინციდენტის შედეგად რვა ადამიანი დაშავდა. შედარებით მსუბუქი დაზიანებები აღმოაჩნდა კიდევ 12 ადამიანს.

დილით Boeing 777-ის მარცხენა ძრავს ცეცხლი გაუჩნდა. თვითმფრინავი ასაფრენ ბილიკზე იმყოფებოდა, როდესაც დაკვამლიანება აღმოაჩინეს.

319 მგზავრისა და ეკიპაჟის წევრების ევაკუირება ავარიული ტრაპით განხორციელდა. თვითმფრინავი ტოკიოდან სეულში მიფრინავდა. ამ დროისათვის დანარჩენი ასაფრენი ბილიკების მუშაობა აღდგენილია. ბილეკების მუშაობის აღდგენის მიუხედავად, რამდენიმე რეისი მაინც გადაიდო.

პოლიციის ინფორმაციით, ტერაქტზე საუბარი არ არის. ხანძარი ლიკვიდირებულია. სამართალდამცველებმა მომხდარის გამოძიება უკვე დაიწყეს.