ლალი მოროშკინა: ჩვენ შემოვდივართ ძალიან ძლიერი გუნდით

„თამაზ მეჭიაური - ერთიანი საქართველოსთვის“ - პარტიაში ლალი მოროშკინა სამართლის მიმართულებას, ადამიანის უფლებათა დაცვას, ქალების ჩართულობას და ციხეების პრობლემას ლალი მოროშკინა უხელმძღვანელებს.

მოროშკინა აცხადებს, რომ ახლადშექმნილი პარტია არჩევნებზე მინიმუმ მეორე ადგილს დაიკავებს. "არასოდეს არც ერთი პარტიის წევრი არ ვყოფილვარ, მაგრამ მე დავინახე საფრთხე იმისა, რომ შეიძლება საქართველომ 9 ოქტომბერს გაიღვიძოს და ომის სუნი ეცეს. არ მინდა ქვეყანაში კვლავ ბარიკადები დავინახო. ვხედავ, ყველაფერი იქეთ მიდის, რომ საქართველო მაედანს დაემსგავსოს. მე ვფიქრობ, რომ სიტუაციის არევა უნდა როგორც „ნაციონალურ მოძრაობას“, ისე მის სატელიტ პარტიებს, ვინაიდან ფიქრობენ, რომ ”ქართული ოცნება” იმ ხმებს ვერ აიღებს და უნდათ პროვოკაციები მოაწყონ. ჩვენ შემოვდივართ ძალიან დიდი, ძლიერი გუნდით და შესაბამისად ვფიქრობ, რომ მინიმუმ მეორე ადგილზე გასვლას შევძლებთ და ძლიერი ოპოზიცია ვიქნებით“, - განაცხადა ლალი მოროშკინამ.