გია ვოლსკი: იმაზე არავინ საუბრობს, ყარამანაშვილები უკანონოდ ფლობდნენ თუ არა ქიბარ ხალვაშის ქონებას

ფრაქცია „ქართული ოცნების“ თავმჯდომარე გია ვოლსკი ტელეკომპანია „რუსთავი 2“-ის საქმეზე გამოტანილ განაჩენს ეხმაურება.

„თურმე, გვარამიას მეთაურობით „ნაციონალურ მოძრაობას“ ვინმესთვის არაფერი წაურთმევია. იმაზე არავინ არ საუბრობს, რა საკითხთან დაკავშირებით იყო განხილვა, ყარამანაშვილები ფლობენ თუ არა უკანონოდ იმ ქონებას, რომელიც ქიბარ ხალვაშს ეკუთვნოდა“, - განაცხადა ვოლსკიმ.

სააპელაციო სასამართლოში ,,რუსთავი 2“-ის საქმეზე გადაწყვეტილება დღეს გამოცხადდა, რომლის თანახმადაც, ტელეკომპანიის 100-ვე პროცენტის მფლობელად კვლავ ქიბარ ხალვაში რჩება. უფრო კონკრეტულად, საქალაქო სასამართლოს გადაწყვეტილებით, "რუსთავი 2"-ის  60% ეკუთვნის ქიბარ ხალვაშს, 40% კი  - შპს "პანორამას", რომლის მფლობელიც ასევე ქიბარ ხალვაშია.