„ფერერო“ თხილის მწარმოებლებს დაატრენინგებს

19 ივლისს  წალენჯიხაში აშშ-ის საერთაშორისო განვითარების სააგენტოს (USAID) "თხილის სექტორის განვითარების პროექტისა" (G-HIP) და შპს „აგრიჯორჯიას ხელშეწყობით ორგანიზებით ფერმერების ტრენინგი გაიმართება, რომლის თემაც „მცენარეთა დაცვა და მოსავლის აღების შემდგომი პროცესების მართვა“ იქნება.

პროგრამაში მონაწილეობას იღებენ ასოციაციის ფერმერთა ჯგუფების ლიდერები, თხილის კოოპერატივების წევრები, საშრობი ცენტრების ოპერატორები და ლაბორატორიების ტექნიკოსები. ტრეინინგის მიზანია მონაწილეებმა შეიტყონ უახლესი ინფორმაცია თხილის მოსავლის აღების, შრობის, დასაწყობებისა და ხარისხის მართვის შესახებ, აგრეთვე თხილისთვის პრობლემური მავნებელ-დაავადებების კონტროლის უახლესი ტექნოლოგიები. თეორიულ და პრაქტიკულ სწავლებას ფერეროს საერთაშორისო ექსპერტები ჩაატარებენ.

აღნიშნული ტრეინინგი USAID/G-HIP-ის, შპს „აგრიჯორჯიას“ და GHGA-ს ინიციატივით ტარდება. ქართული თხილის ხარისხის პრობლემა კვლავ აქტუალურია. სწორედ ამიტომ, საქართველოში თხილის ხარისხის ამაღლებისა და წარმოების გაუმჯობესების მიზნით ფერეროს საერთაშორისო სპეციალისტებმა შეიმუშავეს სპეციალური ტრეინინგ კურსი, როგორც თხილის მწარმოებელი ფერმერებისთვის და კოოპერატივებისთვის, ასევე საშრობი ცენტრების ოპერატორებისთვის, რათა მათ დანერგონ უახლესი ტექნოლოგიები და დაიცვან საყოველთაოდ მიღებული თხილის სტანდარტები. თეორიული სწავლება ჩატარდება GHGA-ს სათაო ოფისში, ხოლო პრაქტიკულ ტრეინინგს მონაწილეები გაივლიან სოფელ ტყაიაში არსებულ საშრობ ცენტრში.