მიმდინარე წლის ივნისში ერაყმა, რომელიც მეორეა ოპეკში ნავთობის მოპოვების მიხედვით, 0,75%-ით შეამცირა ნავთობის ექსპორტი მაისის თვესთან შედარებით 3,176 მილიონ ბარელამდე/დღეში. ამის შესახებ ნათქვამია ერაყის სახელმწიფო კომპანია State oil Marketing Organization (SOMO)-ის მიერ გავრცელებულ მონაცემებში.

მაისის შედეგების მიხედვით, ერაყიდან ნავთობის მიწოდების დღე-ღამურმა ოდენობამ შეადგინა 3,2 მილიონი ბარელი/დღეში.

სულ ივნისის თვეში ერაყმა განახორციელა 95,3 მილიონი ბარელი ნავთობის ექსპორტი (შემცირება 3,93%-ით მაისის თვესთან შედარებით). ნავთობის მთელი ოდენობის ექსპორტი განხორციელდა ბასრას საბადოდან.

ერაყის შემოსავალმა ნავთობის ექსპორტიდან ივნისში შეადგინა 3,829 მილიარდი დოლარი, ხოლო მაისში - 3,748 მილიარდი დოლარი.

დღეისათვის ერაყი, რომელიც მეხუთე ადგილზეა მსოფლიოში ნავთობის მარაგების მიხედვით, ახდენს თავისი ენერგეტიკის აღდგენას ომებისა და ეკონომიკური სანქციების ათწლეულის შემდეგ.