არ გავუჩუმდეთ ოჯახში ძალადობას, 40 000 პოლიციელი დაგიცვათ - გიორგი მღებრიშვილი

მივმართავ ყველა მსხვერპლს - არ გავუჩუმდეთ ოჯახში ძალადობას, 40 000 პოლიციელი დაგიცვათ, - განაცხადა შს მინისტრმა გიორგი მღებრიშვილმა ოჯახში ძალადობის წინააღმდეგ ფართომასშტაბიანი სოციალური კამპანია ”ძალა ნდობას” პრეზენტაციისას სიტყვით გამოსვლისას.
,,ოჯახში ძალადობის წინააღმდეგ ბრძოლა კვლავ რჩება შსს-ს ერთ-ერთ უმნიშვნელოვანეს პრიორიტეტად. თუმცა, აქვე უნდა გავითვალისწინოთ ის გარემოება, რომ ამ ძალზე მგრძნობიარე პრობლემის დასაძლევად, იმისთვის რომ პოლიციელმა შეძლოს მასზე დაკისრებული უფლება-მოვალეობის შესრულება, აუცილებელია თავად ძალადობის მსხვერპლთა და მოწმეების თანადგომა, მხარდაჭერა და თანამშრომლობა. მივმართავთ ყველა მსხვერპს, არ გავუჩუმდეთ ოჯახში ძალადობას, ნუ შეშინდებით მთელი ჩვენი უწყება, 40 000 ადამიანი თქვენ გვერდით ვართ იმისთვის, რომ დაგიცვათ”, - განაცხადა გიორგი მღებრიშვილმა. 
კამპანია ევროკავშირის მიერ დაფინანსებული პროექტის ”საქართველოს შს სამინისტროს ხელშეწყობა ოჯახში ძალადობის წინააღმდეგ ბრძოლაში” ფარგლებში ხორციელდება.