ეკა ბესელია: ევროსასამართლოს გადაწყვეტილება არის სავალდებულო ევროპის საბჭოს ყველა წევრი ქვეყნისთვის

საქართველო, თბილისი - 10:41 | 17.03.2017

ნანახია: 1344

ევროსასამართლოს გადაწყვეტილება არის სავალდებულო ევროპის საბჭოს ყველა წევრი ქვეყნისთვის, - ამის შესახებ პარლამენტის იურიდიულ საკითხა კომიტეტის თავმჯდომარე, ეკა ბესელიამ ,,რუთავი 2“ -ის საქმეზე საუბრისას განაცხადა.

მისი განმარტებით, კონვენცია არ ამბობს, რომ საკუთრების და გამოხატვის უფლებები ერთმანეთის ხარჯზე უნდა დავიცვათ

,,სტრასბურგის გადაწყვეტილებებს და აღსრულების პროცესს ჩვენ ვაქცევთ ძალიან დიდ ყურადღებას. რაც შეეხება კონვენციით დაცულ უფლებებს, კონვენცია იცავს საკუთრების უფლებასაც, გამოხატვის უფლებასაც, აყენებს მათ თანაბარ სიბრტყეში. კონვენცია არ ამბობს, რომ რომელიმე უფლება რომელიმეს ხარჯზე უნდა დავიცვათ. ყველა სიკეთე, რომელსაც იცავს კონვენცია, ეს იქნება გამოხატვის თავისუფლება თუ საკუთრების უფლება, ეს არის დაცული სიკეთე და მას უნდა იცავდეს სახელმწიფო.

ძალიან მნიშვნელოვანია ევროსასამართლოს გადაწყვეტილებების აღსრულების პროცესი. ჩვენ ამ პროცესში გვაქვს ერთ-ერთი კარგი პოზიცია",- განაცხადა ბესელიამ და დასძინა, რომ არის ძალიან ბევრი ქვეყანა, რომელიც არ ასრულებს ევროსასამართლოს გადაწყვეტილებებს, რაც ყოველთვის არის პრობლემა