გიორგი მარგველაშვილი ლიტვის პარლამენტის თავმჯდომარეს შეხვდა

საქართველოს პრეზიდენტი გიორგი მარგველაშვილი, ლიტვაში ოფიციალური ვიზიტის ფარგლებში, დელეგაციასთან ერთად ლიტვის რესპუბლიკის პარლამენტის თავმჯდომარეს ვიქტორას პრანცკიეტისის სამუშაო სადილზე შეხვდა. მხარეებმა ორ ქვეყანას შორის საპარლამენტო ურთიერთობების განვითარების და საერთაშორისო ორგანიზაციების დონეზე და მრავალმხრივ ფორმატებში პარტნიორული ურთიერთობების გაღრმავების საკითხები განიხილეს.

​საუბარი შეეხო ლიტვის მიერ საქართველოს ევროპულ და ევროატლანტიკურ სტრუქტურებში ინტეგრაციის ხელშეწყობას. შეხვედრისას გამოითქვა ინიციატივა, რომ ლიტვა საქართველოსთან ევროინტეგრაციის პროცესის მხარდასაჭერად ერთობლივად იმუშავებს. ლიტვის პარლამენტის თავმჯდომარემ კიდევ ერთხელ დააფიქსირა საქრთველოს სუვერენიტეტისა და დამოუკიდებლობის ურყევი მხარდაჭერა.

საქართველოს პრეზიდენტი გიორგი მარგველაშვილი ოფიციალური ვიზიტით ლიტვას გუშინ ეწვია. ვიზიტის ფარგლებში მარგველაშვილი შეხვდა ლიტვის პრეზიდენტს. დალია გრიბაუსკაიტემ ქართველ კოლეგასთან შეხვედრაზე განაცხადა  რომ კმაყოფილია, რადგან ლიტვამ საქართველოს უვიზო რეჟიმის ამოქმედებაში წვლილი შეიტანა.