ხალხს ართმევენ პრეზიდენტის პირდაპირი არჩევის პოლიტიკურ ტრადიციას - გიორგი მარგველაშვილი

საქართველოს პრეზიდენტმა გიორგი მარგველაშვილმა დღეს ზუგდიდში საკონსტიტუციო ცვლილებების საყოველთაო განხილვაში მიიღო მონაწილეობა და პარლამენტის თავმჯდომარესთან ერთადმოსახლეობას კონსტიტუციური რეფორმის შესახებ საკუთარი მოსაზრებები წარუდგინა.

საქართველოს პრეზიდეტის განცხადებით, კონსტიტუცია თანხმობის დოკუმენტია და მთავარი, რითიც იზომება მისი ხარიხსი არის ის, როგორ თანხმდება საზოგადოება ერთად ცხოვრების მთავარ, ფუნდამენტურ წესზე.

პრეზიდენტის განცხადებით, საქართველოს კონსტიტუცია იწყება სიტყვებით „ჩვენ საქართველოს მოქალაქენი", ეს არ არის მხოლოდ იურიდიული დოკუმენტი, ეს არის დოკუმენტი, რომელიც მთელსაზოგადოებას ერთიან პროცესში აერთიანებს და აქედან გამომდინარე, მნიშვნელოვანია, რომ ყველა იყოს პროცესის თანამონაწილე.

გიორგი მარგველაშვილის განცხადებით, ჩვენი ქვეყნის ნაწილი ოკუპირებულია ძლიერი, ბირთვული სახელმწიფოს მიერ.

ევროპის და ამერიკის მხარდაჭერა გვაქვს არაღიარების პოლიტიკასთან მიმართებაში. ჩვენ უფრო ნათლად უნდა ვხედავდეთ სირთულეს, ამ სირთულეების ფონზე კონსტიტუციაში მთავარსარდლისფუნქციები გამქრალია.

„კონსტიტუციაში პრეზიდენტი იქნება უმაღლესი მთავარსარდალი, რა თქმა უნდა, ნათქვამია, რომ ეს სტატუსი შენარჩუნებულია, თუმცა, არცერთი ფუნქცია, რომელიც პრეზიდენტმა, როგორცუმაღლესმა მთავარსარდალმა უნდა განახორციელოს ფაქტიურად აღარ არის შენარჩუნებული.

პირველი და მნიშვნელოვანი ეს არის უშიშროების საბჭოს საკითხი. წარმოდგენილი მოდელი გვთავაზობს გავაუქმოთ უშიშროების საბჭო და შევქმნათ თავდაცვის საბჭო, რომელიც ფუნქციონირებსმხოლოდ ომის დროს.

პროექტის მიხედვით, პრემიერმინისტრი ეუბნება პრეზიდენტს გამოაცხადოს ომი და პრეზიდენტს არ აქვს არავითარი უფლება იკითხოს რატომ აცხადებს ომს. პირდაპირ უნდა  მოაწეროს ხელი ამდოკუმენტს კითხვის გარეშე და გადაუგზავნოს ის პარლამენტს.

ჩემი კითხვაა -  რა საჭიროა ასეთი ხელმოწერა. ან რა საჭიროა ასეთი მთავრსარდლის ფუნქცია, რომელსაც არც ეკითხებიან, მიგაჩნია, რომ ომი გამოსაცხადებელია თუ არა", - აღნიშნა საქართველოსპრეზიდენტმა.

გიორგი მარგველაშვილმა პრეზიდენტის არჩევის წესის ცვლილებაზეც ისაუბრა და აღნიშნა, რომ საქართველოში ჩამოყალიბდა პრეზიდენტის პირდაპირი წესით არჩევის ტრადიცია, რომელშიცსაქართველოს მოქალაქეები თავის თავს ხედავენ ქვეყნის, სახლემწიფოს ხელმძღვანელის ამრჩევად.

საქართველოს პრეზიდენტი გარკვეულწილად მმართველი ძალის განცხადებებს გამოეხმაურა, რომ თითქოს პირდაპირი წესით პრეზიდეტის არჩევის შემთხვევაში ჩნდება ოდიოზური ფიგურის არჩევისსაფრთხე.

„რატომ ვეუბნებით მოქალაქეებს, რომ თქვენ არ ხართ კვალიფიციური აირჩიოთ პრეზიდენტი, რომ თუ თქვენ მოგანდეთ არჩევანის უფლება, თქვენ აირჩევთ ოდიოზურ ფიგურებს.

ოდიოზური ფიგურები პოლიტიკაში ყოველთვის ჩნდებიან, დღეს 9 მაისია, ერთერთ ასეთ ოდიოზურ ფიგურაზე გამარჯვების დღესასწაული. საპრეზიდენტო არჩევნების შედეგად მოვიდა ესპოლიტიკური ფიგურა ხელმძღანელობაში? ოდიოზური ფიგურა სხვა თემაა.

დემოკრატიის ძირი და საფუძველი ამომრჩეველია. ხალხს რომ ართმევ ამ უფლებას არგუმენტი ის რომ თურმე ხალხმა შეიძლება ოდიოზური ფიგურა აირჩიოს, ჩემი პოლიტიკური ფილოსოფიისთვისმიუღებელია", - აღნიშნა საქართველოს პრეზიდენტმა.

გიორგი მარგველაშვილმა საარჩევნო სისტემის იმ ხარვეზებზე და საფრთხეებზე ისაუბრა, რომელიც კონსტიტუციური პროექტითაა განსაზღვრული - ეს 5 პროცენტიანი საარჩევნო ბარიერის დატოვება,საარჩევნო ბლოკების შექმნის აკრძალვა და გადაუნაწილებელი ხმების განაწილების ბონუსსისტემაა.

პრეზიდენტის განმარტებით, ეს საკითხები კითხვებს აჩენს, წინააღმდეგ შემთხვევაში ვერ გაძლიერდებიან ოპოზიციური პარტიები, ვერ შეძლებენ არსებული ბარიერის გადალახვას, შედეგად კი ვერმივიღებთ მრავალფეროვან პარლამენტს. 

„მე ველი ისეთ საქართველოს, სადაც იქნება 3-4 ძლიერი პოლიტიკური ძალა, რომლებიც იკამათებენ, მაგრამ არ მოუნდებათ ერთმანეთის განადგურება და ციხეში ჩასმა", -განაცხადა გიორგიმარგველაშვილმა.