ე.წ. ციანიდის საქმის არსებითი განხილვა დღეს იწყება

საქართველო, თბილისი - 10:26 | 30.05.2017

ნანახია: 1527

თბილისის საქალაქო სასამართლოში ე.წ. ციანიდის საქმის არსებითი განხილვა დღეს, 11:00 საათზე იწყება.

"ციანიდის საქმის" სხდომები დახურული იქნება, რადგან მოსამართლე ბესიკ ბუგიანიშვილმა დააკმაყოფილა ბრალდების მხარის შუამდგომლობა პროცესის დახურვასთან დაკავშირებით.

არსებული ინფორმაციით, პროცესს დაესწრებიან დეკანოზ გიორგი მამალაძის ადვოკატები, გიორგი ფანცულაია და მიხეილ რამიშვილი. ისინი სასამართლო განხილვებზე სააპელაციო სასამართლოს გადაწყვეტილებით დაბრუნდნენ. თუმცა უცნობია, დაესწრება თუ არა სასამართლო პროცესს თავად დეკანოზი გიორგი მამალაძე. მან სხდომა პროტესტის ნიშნად დატოვა და ადვოკატებსაც იმავეს გაკეთებისკენ მოუწოდა, რაც მათ შეასრულეს. ამის გამო ბუგიანიშვილმა ისინი საქმეს ჩამოაშორა. ეს გადაწყვეტილება დეკანოზის ინტერესების დამცველებმა სააპელაციო სასამართლოში გაასაჩივრეს.

პროცესზე მხარეები სასამართლოს წინაშე შესავალი სიტყვებით წარდგებიან.