ოკუპაციის ხაზები ჩვენს ქვეყნებში დაინგრევა და გაერთიანდებიან ჩვენი სახელმწიფოები - გიორგი მარგველაშვილი

საქართველოსა და უკრაინის პრეზიდენტები საოკუპაციო ხაზთან იმყოფებოდნენ.

როგორც საქართველოს პრეზიდენტმა აღნიშნა, ქართველი და უკრაინელი ხალხი არასდროს შეეგუებიან რუსულ აგრესია.

„დღეს ოკუპაციის ხაზთან ვიმყოფებით ორი ქვეყნის პრეზიდენტი, ორი ამაყი ხალხის პრეზიდენტი, რომლებიც არ ეგუებიან რუსეთის აგრესიას და არ ეგუებიან იმ ცინიზმს, რომლითაც რუსი სამხედროები ცდილობენ გატეხონ ჩვენი სიმტკიცე და მორალი, მაგრამ არც ქართველები და არც უკრაინელები არასდროს არ გამტყდარან, მათ აქვთ ძალიან დიდი სიმტკიცე და ასეთი ოკუპაციის ხაზები ჩვენს ქვეყნებში დაინგრევა და გაერთიანდება ჩვენი სახელმწიფოები, იქნებიან ისეთივე სუვერენულები, ისეთივე დამოუკიდებლები,  როგორც ამას აღიარებს ყველა სახელმწიფო მსოფლიოში ერთი სახელმწიფოს რუსეთის გარდა“, - განაცხადა გიორგი მარგველაშვილმა.

პეტრო პოროშენკომ საქართველოს ოკუპირებულ რეგიონში არსებული მდგომარეობა დონბასში არსებულ ვითარებას შეადარა.