ჯონ - ეს ბრძოლაა და არასდროს დანებდე -სააკაშვილი მაკკეინს მიმართავს

საქართველოს ყოფილი პრეზიდენტი მიხეილ სააკაშვილი ამერიკელ სენატორს ჯონ მაკკეინს, მიმართავს და სიმხნევისკენ მოუწოდებს. როგორც ცნობილია, სენატორს ექიმებმა თავის ტვინის სიმსივნე დაუდგინეს და მას საოპერაციოდ ამზადებენ.

„მეოთხედი საუკუნის წინ მე და ჯონ მაკკეინი მომენტალურად დავმეგობრდით აშშ-ის სენატში ჩემი გაცნობითი სტაჟიორობის დროს, სადაც კოლუმბიის სამართლის უნივერსიტეტის სკოლიდან ვიყავი წარდგენილი.

მას შემდეგ ბევრჯერ ვსტუმრობდით ერთმანეთს სახლში. როდესაც რუსეთმა ჩვენი დაბომბვა დაიწყო და მთელი თავისი არმიით ჩვენს ქვეყანაში შემოიჭრა, მან პირველმა დამირეკა და მითხრა: „მიშა, - ეს ბრძოლაა და არ შენ და არც მე არ დავნებდებით“.

მაიდანის დროს მე ვთხოვე სხვა ვიზიტი გადაედო და კიევში ჩასულიყო, და მან მართლაც ასე გააკეთა, შემდეგ კი დამირეკა, მადლობა გადამიხადა და მითხრა, რომ ეს მის ცხოვრებაში საუკეთესო ვიზიტი იყო.

ჩემს დიდ მეგობარს გუშინ თავის ტვინის სიმსივნის დიაგნოზი დაუდგინეს. დღეს მინდა მას ვუთხრა: „ ჯონ - ეს ბრძოლაა და არასდროს დანებდე“, გამაგრდი ყველა ჩვენთაგანისთვის!“ - ნათქვამია მიმართვაში.