ჩვენ გავაგრძელებთ არჩევნების გაყალბების დამადასტურებელი ფაქტების წარმოდგენას - ხატია დეკანოიძე

ერთი და იმავე ამომრჩევლის მიერ ორჯერ მიცემული ხმა, კარუსელი, ამომრჩეველი პირადობის დამადასტურებელი დოკუმენტის გარეშე - ეს იმ დარღვევების ნაწილია, რომელიც ადგილობრივი თვითმმართველობის არჩევნებზე ნაციონალურმა მოძრაობამ დააფიქსირა.

როგორც დღეს გამართულ ბრიფინგზე ხატია დეკანოიძემ განაცხადა, აღნიშნული  გაყალბების სქემა მუშაობდა მთელი საქართველოს მასშტაბით.

„ის დარღვევები, რომელსაც მე დღეს წარმოგიდგენთ არის ორგანიზებული და იყო არა მხოლოდ რამდენიმე უბანზე, არამედ მასშტაბი უფრო დიდია, პრაქტიკულად, საქართველოს ყველა საარჩევნო ოლქში, უბანზე, მსგავსი დარღვევები მიმდინარეობდა.

ეს ვიდეო მასალა არ არის ერთდაერთი დარღვევა. ჩვენ გავაგრძელებთ წარმოდგენას არჩევნების გაყალბების დამადასტურებელი ფაქტების.“ -  განაცხადა ხატია დეკანოიძემ.