დავით ზალკალიანი საქართველოში გაერო-ს ბავშვთა ფონდის წარმომადგენელს შეხვდა

საქართველოს საგარეო საქმეთა მინისტრის პირველმა მოადგილემ დავით ზალკალიანმა შეხვედრა გამართა საქართველოშიგაერო-ს ბავშვთა ფონდის (UNICEF) წარმომადგენელთან, ლაილა ომარ გადთან.

შეხვედრაზე მხარეებმა ისაუბრეს საქართველოსა გაერო-ს ბავშვთა ფონდს შორის თანამშრომლობის სხვადასხვა აქტუალურმიმართულებებზე, მათ შორის განათლების, არასრულწლოვანთა მართლმსაჯულების, ბავშვთა მოწყვლადი ჯგუფებისა დამცირეწლოვანთა ჯანდაცვის კუთხით.

შეხვედრაზე ყურადღება გამახვილდა საქართველოს ოკუპირებულ ტერიტორიებზე ადამიანის უფლებების, განსაკუთრებითბავშვთა უფლებების დაცვის მხრივ არსებულ რთულ ვითარებაზე. ამ კონტექსტში, აღინიშნა მშობლიურ ენაზე განათლებისადა თავისუფალი გადაადგილების შეზღუდვა.

დავით ზალკალიანმა ხაზი გაუსვა აფხაზეთის ოკუპირებულ რეგიონში UNICEF-ის ჰუმანიტარული საქმიანობის მნიშვნელობას, რაც მიმართულია ჯანდაცვისა და განათლების მხრივ იქ არსებული მძიმემდგომარეობის გაუმჯობესებაზე.

შეხვედრის დასასრულს, ქართულმა მხარემ მადლობა გადაუხადა ფონდის წარმომადგენელს UNICEF-ის მხრიდან წლებისმანძილზე ბავშვთა უფლებების უკეთ დაცვისა და მათ საჭიროებებზე მორგებული პოლიტიკის განხორციელებაში გაწეულიდახმარებისათვის და დაუდასტურა თანამშრომლობის გაგრძელების მზადყოფნა.