ია ანთაძე: „რუსთავი 2“-ს ხალხი უყურებს იმის გამო, რომ მოისმინონ ხელისუფლების კრიტიკა

„რუსთავი 2“- ს დღეს აქვს ძალიან სერიოზული ნიშა. ბევრი ადამიანი უყურებს „რუსთავი 2“- ს იმის გამო, რომ მათ სურთ მოისმინონ ხელისუფლების კრიტიკა. ისეთი სისტემური კრიტიკა, როგორიც მოდის „რუსთავი- 2“-გან სხვა ტელევიზიებში არ არის“, - ამის შესახებ განცხადება მედიაექსპერტმა ია ანთაძემ საზოგადოებრივი მაუწყებლის მეორე არხის თოქ-შოუ „არგუმენტების დროში“ გააკეთა.

„მე მინდა სხვა ტელევიზიებში ვნახო სერიოზულად გაძლიერებული ჟურნალისტური გამოძიება. მინდა სხვა ტელევიზიებში ვნახო სერიოზული და სიღრმისეული ანალიტიკური გადაცემები. მინდა რომ ის ნიშა, რომელიც დღეს უკავია რუსთავი 2-ს ვნახო გადანაწილებული სხვა ტელევიზიებში, მაშინ საზოგადოებისთვის გაცილებით ნაკლებად მტკივნეული იქნება „რუსთავი2“-ის ირგვლივ განვითარებული პროცესები“, - განაცხადა ია ანთაძემ.