Freedom House-ის კვლევის თანახმად, საქართველო კვლავ ნაწილობრივ თავისუფალი ქვეყნების კატეგორიაში შედის

საქართველო, თბილისი - 11:50 | 16.01.2018

ნანახია: 1017

საერთაშორისო ორგანიზაცია Freedom House-მა მსოფლიოში თავისუფლების შესახებ 2018 წლის ანგარიში გამოაქვეყნა. აღნიშნული ანგარიშის თანახმად, საქართველო ბოლო წლების მსგავსად, კვლავ ნაწილობრივ თავისუფალი ქვეყნების კატეგორიაში შედის.

ანგარიშში ნათქვამია, რომ მიღებული საკონსტიტუციო ცვლილებები მმართველი პარტიის კონტროლს წლების განმავლობაში გაამყარებს.

ჯამური 100 ქულიდან საქართველოს 64 ქულა აქვს მინიჭებული. ადამიანის თავისუფლების, პოლიტიკური უფლებების და სამოქალაქო თავისუფლებების მხრივ, საქართველოს შვიდიდან სამი ქულა აქვს მინიჭებულია (1 ქულა ნიშნავს ყველაზე მეტად თავისუფალს, 7 ქულა კი ყველაზე ნაკლებად თავისუფალს).

ანგარიშში ყურადღება აზერბაიჯანელი ჟურნალისტის, აფგან მუხთარლის საქმეზეც არის გამახვილებული, რომელიც „თბილისში იყო გატაცებული სავარაუდოდ ქართულად მოლაპარაკე პირების მიერ, შემდეგ გადაიყვანეს აზერბაიჯანის ტერიტორიაზე, რაც შეშფოთებას იწვევს იმასთან დაკავშირებით, რომ საქართველოს ხელისუფლება ამ გატაცების თანამონაწილე შეიძლება იყოს.