იანვარში ტურისტების რაოდენობა 23%-ით გაიზარდა

საქართველო, თბილისი - 12:00 | 05.02.2018

ნანახია: 1366

2018 წლის იანვარში საქართველოს 444,241 საერთაშორისო მოგზაური ეწვია, რაც 57,171-ით მეტია წინა წლის ანალოგიურ პერიოდთან შედარებით (ზრდა +14.8%)-ია.

იანვრის თვის მაჩვენებლებით იმ უცხოელი მოგზაურების ანუ ტურისტების რიცხვმა, რომლებმაც 24 საათი და მეტი დაჰყვეს საქართველოში 189,476 შეადგინა, რაც 35,393-ით მეტია 2017 წლის იანვრის მაჩვენებელზე (ზრდა +23%).

მონაცემები ეკონომიკისა და მდგრადი განვითარების სამინისტროს ტურიზმის ეროვნულ ადმინისტრაციას შინაგან საქმეთა სამინისტრომ მიაწოდა.

იანვარში ყველაზე მეტი ვიზიტი აზერბაიჯანიდან (+0.8%), თურქეთი(+20.1%), სომხეთი (+20.9%),რუსეთი (+14.6%) და ირანიდან (+92.4%) განხორციელდა.

პოზიტიური ტენდენცია ნარჩუნდება ევროკავშირის ქვეყნებიდან, საიდანაც საქართველოში ჩამოსვლების რაოდენობის ზრდის კუთხით, იანვრის თვეში გამოირჩეოდნენ: ჩეხეთი +59%, ლატვია +46%, გაერთიანებული სამეფო +31%, ნიდერლანდები +28% ლიტვა +16%და სხვა.

განსაკუთრებული ზრდა დაფიქსირდა შემდეგი ქვეყნებიდან ქუვეითი + 131%, საუდის არაბეთი + 127%, ირანი +92%, ისრაელი +77%, ინდოეთი +48%, თურქეთი +20% და სხვა.

15 ქვეყანა, საიდაინაც ყველაზე მეტი საერთაშორისო მოგზაურთა ეწვია საქართველოს

	ქვეყანა	2017: იანვარი	2018: იანვარი	ცვლილება	ცვლილება %
1	აზერბაიჯანი	115,527	116,503	976	0.8%
2	თურქეთი	79,042	94,959	15,917	20.1%
3	სომხეთი	77,528	93,711	16,183	20.9%
4	რუსეთი	62,075	71,141	9,066	14.6%
5	ირანი	8,091	15,570	7,479	92.4%
6	უკრაინა	10,232	10,497	265	2.6%
7	ინდოეთი	2,565	3,792	1,227	47.8%
8	ისრაელი	1,703	3,006	1,303	76.5%
9	ყაზახეთი	2,271	2,447	176	7.7%
10	ფილიპინები	1,997	2,379	382	19.1%
11	ა შ შ	1,819	1,935	116	6.4%
12	ბელარუსი	1,125	1,654	529	47.0%
13	გერმანია	1,561	1,561	0	0.0%
14	გაერთიანებული სამეფო	1,024	1,340	316	30.9%
15	საუდის არაბეთი	583	1,325	742	127.3%

2017 წელს საქართველოს საერთაშორისო მოგზაურთა უპრეცედენტო რაოდენობა 7,554,936 ეწვია. (ზრდა +18.8%) მნიშვნელოვნად გაიზარდა შემოსავლები უცხოური ტურიზმიდან და წინასწარი მონაცემებით 2.7 მილიარდი აშშ დოლარი შეადგინა, რაც წინა წელთა შედარებით 586 მილიონი აშშ დოლარით მეტია.