ხმა მივეცი იმას, რომ ქუთაისი იყოს პოლიტიკური დედაქალაქი, რომ არავინ ლაპარაკობდეს ამ ქალაქში სიდუხჭირეზე, გაჭირვებაზე, ქუჩაში ჩალის ფასად დაყრილ ნარკოტიკებზე – გრიგოლ ვაშაძე

უამრავი საჩივარი და შენიშვნებია უკვე. ამომრჩევლის აქტივობა ნორმალურია. მე მინდა, მივმართო ამომრჩეველს, გადადეთ ყველა საქმე და მიდით არჩევნებზე, რადგან თქვენ ირჩევთ საქართველოსა და თქვენი შვილების მომავალს“, – განაცხადა გრიგოლ ვაშაძემ.

„ნაციონალური მოძრაობის“ პრეზიდენტობის კანდიდატმა, ხმა ქუთაისის 22-ე საარჩევნო უბანზე მისცა.

,,დღეს ხმა პირველად მივეცი ქუთაისში. სიმბოლურიც არის.ხმა მივეცი იმას, რომ ქუთაისი იყოს პოლიტიკური დედაქალაქი, შეინარჩუნოს ტურისტული, ისტორიული ის მნიშვნელობა, რომელიც აქვს. შეითავსოს პოლიტიკური დედაქალაქის ფუნქციები და იმას, რომ არასდროს არავინ ლაპარაკობდეს ამ ქალაქში სიდუხჭირეზე, გაჭირვებაზე, ქუჩაში ჩალის ფასად დაყრილ ნარკოტიკებზე, უძრაობაზე, დანგრეულ სკოლებზე და განადგურებულ საავადმყოფოებზე",  - განაცხადა გრიგოლ ვაშაძემ.

საქართველოში საპრეზიდენტო არჩევნები მიმდინარეობს.  ქვეყნის მოსახლეობა რიგით მეხუთე პრეზიდენტს ექვსი წლის ვადით ირჩევს.