ჯაბა ჯიშკარიანისა და ვატო შაქარიშვილის პროტესტი ჩემთვის ძალიან ბუნებრივი და ორგანულია - ეკა ბესელია

შეუძლებელია, რომ ვატოს, ჯაბას, ჩვენს თანამებრძოლებს, რომლებიც წლების განმავლობაში ჩვენთან ერთად იბრძოდნენ სააკაშვილის რეჟიმის შესაცვლელად, მოსწონდეთ ის, რაც დღეს ხდება, - ამის შესახებ საქართველოს პარლამენტის დამოუკიდებელმა დეპუტატმა, ეკა ბესელიამ ვახტანგ შაქარიშვილისა და ჯაბა ჯიშკარიანის გადაწყვეტილებაზე კომენტირებისას განაცხადა.

ბესელიას თქმით, მისთვის მოულოდნელი არ ყოფილა შაქარიშვილისა და ჯიშკარიანის გადაწყვეტილება.

„შეუძლებელია, ეს ორი ახალგაზრდა, რომლებიც წარმოადგენენ მათ შორის სამართლიანობისა და ქვეყნის უკეთესი მომავლისთვის ჩვენი ერთობლივი ბრძოლის სიმბოლოს, ეგუებოდნენ იმას, რაც დღეს ხდება მმართველ პარტიაში. შეუძლებელია, რომ ვატოს, ჯაბას, ჩვენს თანამებრძოლებს, რომლებიც წლების განმავლობაში ჩვენთან ერთად იბრძოდნენ სააკაშვილის რეჟიმის შესაცვლელად, მოსწონდეთ ის, რაც დღეს ხდება, როდესაც წარსულის ძალადობრივი ელემენტების და მათი მხარდამჭერების თუ შემქმნელების აღზევება ხდება. ამიტომ მათი პროტესტი არის ჩემთვის ძალიან ბუნებრივი, ორგანული. ჩვენ ყოველთვის ვიყავით ერთ პოზიციაზე, მომავალსაც ვხედავ საერთო ბრძოლის ველზე“, – განაცხადა ეკა ბესელიამ.

ვახტანგ შაქარიშვილმა და ჯაბა ჯიშკარიანმა „ქართული ოცნება“ და თბილისის საკრებულოს უმრავლესობა დატოვეს.