სამეგრელო-ზემო სვანეთის რეგიონის მასშტაბით ელექტროენერგია არ მიეწოდება 2300 აბონენტს

4 იანვრის 15 საათის მდგომარეობით სამეგრელო-ზემო სვანეთის რეგიონის მასშტაბით ელექტროენერგია არ მიეწოდება 2300 აბონენტს. ენერგოპრო ჯორჯიას მიერ მობილიზებულია დამატებითი სარემონტო ბრიგადები ქვეყნის სხვა რეგიონებიდან. უკვე დილიდან გასულია, როგორც ადგილობრივი ისე დამატებითი სარემონტო ჯგუფები, რომლებიც აქტიურად ახორციელებენ აღდგენით სამუშაოებს, სპეციალლისტების გათვლებით, უახლოეს პერიოდში რეგიონს მთლიანად აღუდგება ელექტროენერგიის მიწოდება. 

სამეგრელო-ზემო სვანეთის მხარეში სახელმწიფო რწმუნებულის-გუბერნატორის ადმინისტრაციის პრესსამსახურის ინფორმაციით, გაზის მიწოდება რეგიონში ხორციელდება სტაბილურად. ზუგდიდში გაზი არ მიეწოდება მხოლოდ 4 კორპუს,  მიმდინარეობს აღდგენითი სამუშაოები.

რეგიონის ყველა მუნიციპალიტეტში შექმნილია საგანგებო შტაბები რომლებიც ამჟამადაც აქტიურად მუშაოებენ, მობილიზებულია სპეცტექნიკა, მიმდინარეობს გაწმენდითი სამუშაოები, გამართულად მუშაობს ყველა სასიცოცხლო მნიშვნელობის ობიექტი.