ერთ პოლიტიკურ ძალას საშუალება არ უნდა ჰქონდეს, რომ სანქცია ოპოზიციური პარტიების წარმომადგენლების დაპატიმრებაზე გასცეს - დავით ბაქრაძე

კვორუმის გაზრდა სწორი ნაბიჯია, რადგან მხოლოდ ერთ პოლიტიკურ ძალას საშუალება არ უნდა ჰქონდეს, რომ სანქცია ოპოზიციური პარტიების წარმომადგენლების დაპატიმრებაზე გასცეს, ეს როგორც ორჯერ მოხდა ნიკა მელიას შემთხვევაში, - აცხადებს ოპოზიციონერი დეპუტატი დავით ბაქრაძე. მისი განმარტებით, კვორუმის აწევა იმას ნიშნავს, რომ ერთი პარტია ვეღარ შეძლებს განსხვავებულად მოაზროვნე ადამიანების დაპატიმრებას.

„ეს არ არის საკმარისი და არ ნიშნავს პოლიტიკური დევნის დასრულებას. პოლიტიკური დევნის დასრულება ბევრად უფრო მნიშვნელოვან კომპონენტები მოიცავს, მათ შორის პროკურატურის რეფორმას და გენერალური პროკურორის ახალი წესით არჩევას. ჯერ კიდევ შესასრულებელია უფრო რთული და მნიშვნელოვანი ეტაპები – სასამართლოსა და პროკურატურის რეფორმები“, – განაცხადა ბაქრაძემ.