ევროკავშირისა და პარტნიორი ქვეყნების დროშის შებღალვაზე შესაძლოა ფულადი ჯარიმა დაწესდეს

ევროკავშირის, საერთაშორისო ორგანიზაციებისა და პარტნიორები ქვეყნების დროშის ან სხვა სიმბოლკის შებღალვისთვის შესაძლოა სანქციები დაწესდეს. აღნიშნულ საკითხთან დაკავშირებით პარლამენტის თავმჯდომარემ, კახა კუჭავამ ოპოზიციურ ფრაქციებთან შეხვედრა გამართა.

შეხვედრას ესწრებოდნენ ფრაქცია "შარლ მიშელის რეფორმების ჯგუფის", "ლელო - პარტნიორობა საქართველოსთვის" და "გირჩის" წარმომადგენლები.
როგორც იუწყებიან, კანონში შესატანი ცვლილებები უკვე მომზადებულია.

კანონპროექტის თავდაპირველი ვერსიით, დროშის ან სიმბოლოს შებღალვისთვის პირს 1000-ლარიანი ჯარიმა დაეკისრება. განმეორებით ჩადენილი ქმედების შემთხვევაში, შესაძლოა, პირის მიმართ, მოსამართლის გადაწყვეტილებით, გამოყენებულ იქნეს ადმინისტრაციული პატიმრობა.

ფრაქცია "შარლ მიშელის რეფორმების ჯგუფის" წევრი, დეპუტატი თეონა აქუბარდია მიესალმება აღნიშნულ ინიციატივას.

მისი თქმით, ეს ინიციატივა მნიშნვნელოვანია, რადგან სხვა დროს როცა სახელმწიფო ვერ დაიცავს პარტნიორის დროშას ან სხვა სიმბოლიკას, პირს დაეკისრება ჯარიმა ან ადმინისტრაციული პატიმრობა.

ცვლილებების პროექტს გამოეხმაურა „ევროპული საქართველოს“ თავმჯდომარე გიგა ბოკერია.

ბოკერიას თქმით, ეს ინიციატივა, როგორც მორალურად, ისე კონსტიტუციურად და პრაგმატულად არის მცდარი და მავნებლური, რადგან სიტყვის თავისუფლებისა და სიმბოლური აქტების განხორციელების უფლება აქვს ყველას.ბოკერია მოუწოდებს ოპოზიციურ პარტიებს, არ მიიღონ მონაწილოება ხელისუფლების მიერ დაგეგმილ ამ იაფფფასიან სვლაში, რადგან ის პირდაპირ არის მიმართული სიტყვის თავისუფლების წინააღმდეგ.

ბოკერია მოუწოდებს ოპოზიციურ პარტიებს, არ მიიღონ მონაწილეობა ხელისუფლების მიერ დაგეგმილ ამ იაფფფასიან სვლაში, რადგან ის პირდაპირ არის მიმართული სიტყვის თავისუფლების წინააღმდეგ.