სააკაშვილი საზღვრიდან მოხვდება სასჯელაღსრულების დაწესებულებაში, ეს ყველაფერი ძალიან ლამაზად გაკეთდება - კობახიძე

პარტია „ქართული ოცნების“ თავმჯდომარე, ირაკლი კობახიძემ მიხეილ სააკაშვილის საქართველოში ჩამოსვლასთან დაკავშირებით განაცხადა, რომ ხელოსუფლებას ძალის გამოყენება არ დასჭირდება, ყველაფერი ლამაზად გაკეთდება და ყოფილი პრეზიდენტი  საზღვრიდან პირდაპირ მოხვდება სასჯელაღსრულების დაწესებულებაში.

"უკვე არაერთი წელია, საკუთარ მხარდამჭერებს ჩამოსვლას ჰპირდება, თუმცა ყოველ ჯერზე გაუცრუა იმედები საკუთარ ამომრჩეველს. ვიცით, რომ მხდალია, მშიშარაა და აქედან გამომდინარე, ალბათ გაუჭირდება ამ შემთხვევაშიც ამ ანონსის შესრულება, თუმცა, ვნახოთ, თუ შემოვა, მას მიეჩინება ის ადგილი, რაც უნდა მიეჩინოს... ჩვენ არ დაგვჭირდება არანაირი ძალის გამოყენება, ყველაფერი იქნება ლამაზად. საზღვრიდან მოხვდება სასჯელაღსრულების დაწესებულებაში, ეს ყველაფერი ძალიან ლამაზად გაკეთდება“, – განუცხადა ირაკლი კობახიძემ ჟურნალისტებს.