თუ მართლა ჩამოვიდა, ალბათ, ოცნების რომელიმე წარმომადგენელს ჰყავს შეფარებული - ნათია მეზვრიშვილი სააკაშვილზე

თუ მართლა ჩამოვიდა, ალბათ, ოცნების რომელიმე წარმომადგენელს ახლა ჰყავს შეფარებული და ალბათ ამიტომ არ გვენახება, -  ამბობს პარტია"საქართველოსთვის" წარმომადგენელი ნათია მეზვრიშვილი.

მისი თქმით, სააკშვილს არ აქვს საქართველოში ჩამოსვლის გამბედაობა, რადგან, მართლმსაჯულება ელოდება. ამასთან, არ არის დარწმუნებული, რომ მმართველი ძალა მართლმასჯულებს აღასრულებს.

„რას ნიშნავს ჩამოვიდა, თუ ჩამოვიდა სად არის, ოცნებამ ჩამოიყვანა მიხეილ სააკაშვილი საქართველოში?! თუ მართლა ჩამოვიდა, ალბათ, ოცნების რომელიმე წარმომადგენელს ახლა ჰყავს შეფარებული და ალბათ ამიტომ არ გვენახება. არასერიოზულია ეს ყველაფერი, პირდაპირ გეტყვით. მე არ მგონია, რომ მას ჰქონდეს იმის გამბედაობა, რომ საქართველოში მართლა ჩამოვიდეს, იმიტომ, რომ მას ელოდება მართლმსაჯულების წინაშე წარდგომა. არც იმაში ვარ დარწმუნებული, რომ "ოცნება" გაბედავს მართლმსაჯულებას მისი მისამართით [აღასრულებს], თუ ის მართლა ჩამოვიდა ან ჩამოვა, მთლიანად პასუხისმგებლობა "ოცნებას" ეკისრება", - ამბობს ნათია მეზვრიშვილი.

მიხეილ სააკაშვილმა სოციალურ ქსელში დაწერა, რომ უკვე საქართველოშია, შემდეგ კი ბათუმიდან ვიდეომიმართვაც გამოაქვეყნა.