თქვენი დაკარგული, წაშლილი სახე მოვიგეთ - კობახიძე ჟურნალისტს

ქართული ოცნების თავმჯდომარის, ირაკლი კობახიძის მტკიცებით, ქართულმა ოცნებამ 2021 წლის თვითმმართველობის არჩევნები "დამაჯერებლად მოიგო".

"ქართული ოცნების გუშინდელი დამაჯერებელი გამარჯვება იყო საქართველოში მშვიდობის, სტაბილურობისა და განვითარების გამარჯვება", - ამბობს კობახიძე.

ჟურნალისტის შეკითხვას, რას გულისხობს დამაჯერებელ მოგებაში, როცა თვითმმართველ ქალაქებში ოპოზიციის მერობის კანდიდატები ლიდერობენ, კობახიძემ უპასუხა:  "თქვენი დაკარგული, წაშლილი სახე მოვიგეთ. ეს არის ნაცმოძრაობის სახე, მიხეილ სააკაშვილის სახე, თქვენი სახით საუბრობს მიხეილ სააკაშვილი, რომელიც დღეს არის ციხეში".

ცენტრალური საარჩევნო კომისიის წინასწარი მონაცემებით, ოპოზიციის საერთო კანდიდატს თბილისში, ნიკა მელიას აქვს ხმების  – 34.1%, ქართული ოცნების კანდიდატს, კახა კალაძეს  – 45.31%, პარტია საქართველოსთვის კანდიდატს, გიორგი გახარიას  – 9.03%-ით.