კვლავ რჩება ორი მუნიციპალიტეტი, სადაც ჩვენი და ოპოზიციური კანდიდატების მონაცემები ძალიან ახლოს არის ერთმანეთთან - მდინარაძე

კვლავ რჩება ორი ისეთი მუნიციპალიტეტი, ორი საარჩევნო ოლქი, სადაც ჩვენი კანდიდატის და ოპოზიციური კანდიდატის მონაცემები ძალიან არის ერთმანეთთან მიახლოვებული, - განაცხადა ბრიფინგზე მამუკა მდინარაძემ.

"დამატებით მე მინდა ჩვენს საზოგადოებას მივაწოდო ინფორმაცია, რაც პარტიის თავმჯდომარემ, ირაკლი კობახიძემ, უკვე გაახმოვანა. ეს არის ჩვენი პარტიული აქტივის მიერ მოწოდებული ინფორმაცია, კვლავ რჩება ორი ისეთი მუნიციპალიტეტი, ორი საარჩევნო ოლქი, სადაც ჩვენი კანდიდატის და ოპოზიციური კანდიდატის მონაცემები ძალიან არის ერთმანეთთან მიახლოვებული. აქედან გამომდინარე, ჩვენს მოქალაქეებს, ჩვენს ამომრჩეველს, მოვუწოდებთ და ვთხოვთ, რომ მაქსიმალურად იაქტიურონ, იმისთვის, რომ აქაც გამოვრციხოთ რევანშისტული ძალის გამარჯვება, თუნდა იმ მუნიციპალიტეტებში, სადაც ჩვენი და მათი მონაცემები მიახლოებულია ერთმანეთთან" , - თქვა მამუკა მდინარაძემ.

მდინარაძეს არ დაუსახელებია ის ოლქები, სადაც მისი თქმით, ოცნების ადა ოპოზიციის კანდიდატების მონაცემები ერთმანეთთან დაახლოებულია.

"მე არცერთ შემთხვევაში, ამ ორი საათის განმავლობაში არ ჩავაყენებ ცუდ და წამგებიან მდგომარეობაში ჩვენს რომელიმე კანდიდატს და რა თქმა უნდა არ დავასახელებ არცერთ მუნიციპალიტეტს, არ დავასახელებ არცერთ მუნიციპალიტეტს, იმიტომ რომ ამით, შეიძლება რაღაც არასახარბიელო, ცუდ მდგომარეობაში ჩავაყენო ჩვენი კანდიდატი, ამას მე არ გავაკეთებ. კიდევ ერთხელ გავიმეორებ მართლაც არის ასეთი ორი მუნიციპალიტეტი და ჩვენს ამომრჩეველს მართებს მაქსიმალური აქტიურობა და ამ შემთხვევაში ყველა მუნიციპალიტეტში მივიყვანთ გამარჯვებას ბოლომდე" ,- ამბობს მამუკა მდინარაძე.