ხაზზე ვიქნები, თუ საჭირო იქნება - კახა კუჭავამ მოშიმშილე ელენე ხოშტარია მოინახულა

უბრალოდ მაინტერესებდა, რამე პირობები ხომ არ აკლდა. ის ყველაფრით არის კმაყოფილი და ხაზზე ვიქნები, თუ საჭირო იქნება, - განაცხადა საქართველოს პარლამენტის თავმჯდომარე კახა კუჭავამ პარლამენტის შენობაში მოშიმშილე ელენე ხოშტარიას მონახულების შემდეგ.

როგორც მან აღნიშნა, პარლამენტში მთელი დღის განმავლობაში მუშაობს ექიმი და საჭიროების შემთხვევაში  ელენე ხოშტარიას მოემსახურება.

„უბრალოდ მოვინახულე, მაინტერესებდა, ჰქონდა თუ არა ყველანაირი პირობა. მინდა, ყველამ იცოდეს, რომ პარლამენტში მთელი დღის განმავლობაში ექიმი მუშაობს, თუ საჭირო იქნება, მისი მომსახურების გამოყენება შესაძლებელი იქნება. უბრალოდ მაინტერესებდა, რამე პირობები ხომ არ აკლდა. ის ყველაფრით არის კმაყოფილი და ხაზზე ვიქნები, თუ საჭირო იქნება. ელენეს ჯანმრთელობის მდგომარეობის გარდა სხვა თემებზე არ გვისაუბრია. ყველა ადამიანს აქვს შიმშილობის უფლება ეს მათი უფლებაა, ჩემთვის მთავარი იყო იმით დაინტერესება, რამე ხომ არ აკლია, ჯანმრთელობის მდგომარეობა როგორია და მაქსიმალურად ჰქონდეს ყველანაირი პირობა აქ. კარგია, რომ აქვს შესაბამისი პირობები“, – განაცხადა კახა კუჭავამ.

მოძრაობა "დროას"ლიდერი ელენე ხოშტარია პარლამენტის შენობაში ექსპრეზიდენტის მიხეილ სააკაშვილის სამოქალქო კლინიკაში გადაყვანის მოთხოვნით მესამე დღეა შიმშილობს.