აიღეთ საქართველოს ხუთჯვრიანი დროშა, რომელიც მიხეილ სააკაშვილმა მისცა ამ ქვეყანას და გამოფინეთ - გიგი უგულავა

აიღეთ საქართველოს დროშა, ან შეკერეთ და ხუთჯვრიანი, ამ ქვეყნის დროშა, რომელიც მიხეილ სააკაშვილმა მისცა ამ ქვეყანას, ადექით და გამოფინეთ, – განაცხადა ოპოზიციონერმა გიგი უგულავამ პარლამენტის შენობის წინ მიმდინარე აქციაზე სიტყვით გამოსვლისას.

„მეგობრებო. აიღეთ საქართველოს დროშა, არც ძვირი ღირს, ან შეკერეთ საქართველოს დროშა და უბრალოდ ადექით და ეს დროშა, ჩვენი ხუთჯვრიანი, ამ ქვეყნის დროშა, რომელიც მიხეილ სააკაშვილმა მისცა ამ ქვეყანას, ადექით და გამოფინეთ ან სახურავზე, ან აივანზე, ან ფანჯარაში, ნიშნად იმისა, რომ საქართველო არ დანებდება, ნიშნად იმისა, რომ საქართველო უკან არ დაიხევს, ნიშნად იმისა, რომ ჩვენ ვიბრძვით ამ ქვეყნის მომავლისთვის, ნიშნად იმისა, რომ სააკაშვილი შიმშილობს ამ ქვეყნის მომავლისთვის, ნიშნად იმისა, რომ ეს ბრძოლა არის სიმართლისა და უკეთესი ქვეყნისთვის. ეს არის მიშას ოცნება, ეს არის ნორმალური ადამიანების ოცნება, ეს არის საქართველოს უმრავლესობის ოცნება“, – განაცხადა გიგი უგულავამ.