საქართველო-ირანს შორის „Mahan Air”-ი, „ATA Airlines”-ი და „Qeshm Airlines”-ი იფრენს

თბილისისა და ბათუმის საერთაშორისო აეროპორტების ოპერატორი კომპანია, „ტავ ჯორჯია“, სამ უმსხვილეს ირანულ ავიაკომპანიასთან აქტიურ მოლაპარაკებებს აწარმოებს.

„ტავ ჯორჯიაში“ აღნიშნული ავიაგადამზიდავების სახელებსაც ასაჯაროებენ და განმარტავენ, რომ ეს კომპანიებია: „Mahan Air”, „ATA Airlines” და „Qeshm Airlines”-თან. „ტავ ჯორჯიას“ განმარტებით, ავიაკომპანია „ATA Airlines” ქართულ ავიაბაზარზე დაბრუნებას თებერვლის ბოლოდან გეგმავს, ხოლო „Mahan Air” და „Qeshm Airlines” თბილისის საერთაშორისო აეროპორტიდან თეირანის მიმართულებით რეგულარულ ფრენებს სავარაუდოდ მარტის თვიდან შეასრულებენ.