სუს-ის უფროსის მოადგილეს პასუხი არ ჰქონდა სანქციებზე, არც ფრენებზე, არც კადიროველებზე, გვიპასუხა, დანარჩენი პუტინს ჰკითხეთო - თინა ბოკუჩავა

სუს-ის უფროსის მოადგილეს პასუხი არ ჰქონდა არც ფრენებზე, არც კადიროველებზე. გვიპასუხა, დანარჩენი პუტინს ჰკითხეთო, – ამის შესახებ „ნაციონალური მოძრაობის“ წევრმა, თინა ბოკუჩავამ განაცხადა.

პარლამენტში, სახელმწიფო უსაფრთხოების სამსახურის უფროსის პირველი მოადგილე ალექსი ბატიაშვილი ანგარიშს წარადგენს

 ბოკუჩავას თქმით, არცერთ საკითხთან დაკავშირებით ბატიაშვილისგან პასუხი არ მოუსმენია.

„ალექსი ბატიაშვილმა გვითხრა, რომ საზღვრებს ვერ აკონტროლებენ, არავის უსმენენ, ძალადობას არ აორგანიზებენ. პასუხი არ ჰქონდა სანქციებზე, არც ფრენებზე, არც კადიროველებზე. ვციტირებ, გვიპასუხა, დანარჩენი პუტინს ჰკითხეთო. იმედი მაქვს, სუს-ი საქმეს არ აღძრავს ჩემ წინააღმდეგ აღნიშნული ფრაზის სხდომიდან გამოტანის გამო. სხდომიდან, რომელიც ირაკლი ბერაიამ ყოველგვარი საფუძვლის გარეშე დახურა. სუსი-ს დაფინანსება – 180 მილიონი – ბიუჯეტის ფლანგვაა, რადგან ამ პარლამენტის სტანდარტითაც კი გამორჩეულად ტრაგიკომიკური იყო დღევანდელ სხდომაზე, სადაც არცერთ საკითხზე პასუხი არ იყო“, – განაცხადა თინა ბოკუჩავამ.