ბათუმში სტუდენტური დასაქმების პროგრამა იწყება

1-ელი ივლისიდან ბათუმში სტუდენტური დასაქმების პროგრამა იწყება. ბათუმის მერიის ინფორმაციით, პროგრამაში მონაწილეობის მიღება შეუძლიათ ბათუმში რეგისტრირებულ სტუდენტებს, რომლებიც სწავლობენ ავტორიზებულ უმაღლეს და პროფესიულ სასწავლებლებში. პროგრამის მიზანია სტუდენტებში პრაქტიკული უნარ-ჩვევების ამაღლება. დასაქმდება 200 სტუდენტი.

ანაზღაურება 400 ლარს შეადგენს.

დასაქმების მსურველებმა უნდა წარმოადგინონ: განცხადება, პირადობის დამადასრუტებელი დოკუმენტის ქსეროასლი, საცხოვრებელი ადგილის რეგისტრაციის დამადასტურებელი დოკუმენტი, საბანკო რეკვიზიტი. პრიორიტეტი მიენიჭებათ მაღალი აკადემიური მოსწრების, სოციალურად დაუცველ, დედით ან მამით ობოლ სტუდენტებს, საქართველოს მთლიანობისთვის ბრძოლაში დაღუპულთა შვილებსა და სტუდენტებს მრავალშვილიანი ოჯახიდან.

განაცხადების მიღება იწარმოებს 20 ივნისის ჩათვლით შემდეგ მისამართზე: ლუკა ასათიანის ქ. #25, ტელეფონი: 24 63 12.