დავით ბალაძე საინვესტიციო პოლიტიკის შესახებ კონფერენციას ესწრება

აჭარის ფინანსთა და ეკონომიკის მინისტრი დავით ბალაძე ბათუმში მიმდინარე საინვესტიციო პოლიტიკის შესახებ კონფერენციას ესწრება. კონფერენციაზე საუბარი ინვესტიციების სტიმულირების გზებს, ამ სფეროში ხელისშემშლელი ბარიერების აღმოფხვრას, საერთაშორისო სამართლებრივი ბაზის შექმნას და ინვესტიციების შენარჩუნების სტრატეგიის შემუშავებას ეხება. კონფერენციას 20 ქვეყნის დელეგატი ესწრება.
კონფერენცია მსოფლიო ბანკისა და IFC-ის ვაჭრობისა და კონკურენტუნარიანობის საკითხებზე მომუშავე ერთობლივი ჯგუფის საქმიანობის ნაწილია, რომელიც დახმარებას უწევს ქვეყნებს მარტივი, ეფექტიანი და ბიზნესზე მორგებული რეგულაციების შემუშავებაში, რათა ხელი შეუწყონ კერძო სექტორის ზრდას და ამავდროულად დაიცვან სახელმწიფოს ინტერესები.
აღნიშნული ძალისხმევის ფარგლებში საქართველოს საინვესტიციო გარემოს ხელშეწყობის პროექტი დახმარებას უწევს საქართველოს მთავრობას საინვესტიციო გარემოს გაუმჯობესებაში რეგულაციების ეფექტიანობის ამაღლებით სამ სფეროში, ესენია: საგადასახადო, სავაჭრო ლოგისტიკა და საინვესტიციო პოლიტიკა. პროექტი ხორციელდება ავსტრიის ფინანსთა სამინისტროსა და კომპანია BP-ს და ნავთობისა და გაზის პროექტებში მისი პარტნიორების ფინანსური მხარდაჭერით.
2015 ფინანსურ წელს IFC-მ მსოფლიოს განვითარებად ქვეყნებში თითქმის 18 მილიარდი აშშ დოლარის მოცულობის ინვესტიცია ჩადო.
კონფერენცია მსოფლიო ბანკის წევრი საერთაშორისო საფინანსო კორპორაციის (IFC) და საქართველოს ეკონომიკისა და მდგრადი განვითარების სამინისტროს ორგანზებით მიმდინარეობს.