ყველაფერი კეთდება, რათა ევროკავშირში საქართველოდან რაც შეიძლება ნაკლები კრიმინალური დაჯგუფება მოხვდეს - სოფიო კილაძე

სახელმწიფო, კანონის სრული დაცვით, ყველაფერს აკეთებს, რათა მოხდეს პრევენცია იმისა, რომ კრიმინალური დაჯგუფებები განეიტრალდნენ საქართველოშივე, - ამის შესახებ საქართველოს პარლამენტის ადამიანის უფლებათა დაცვის კომიტეტის თავმჯდომარემ სოფო კილაძემ ევროკავშირის ქვეყენებში საქართველოდან თავშესაფრის მაძიებელთა რაოდენობის ზრდისა და ქართველთა ორგანიზებულ კრიმინალში ჩართულობაზე მიღებული გაფრთხილების თემაზე საუბრისას განაცხადა.

,,ჩვენი სახელმწიფო კანონის სრული დაცვით, ყველაფერს აკეთებს, რათა მოხდეს პრევენცია იმისა, რომ კრიმინალური დაჯგუფებები განეიტრალდნენ საქართველოშივე. ამ კუთხით ჩვენ გვაქვს ძალიან კარგი თანამშრომლობა ევროკავშირის შესაბამისი ქვეყნების სამართალდამცველ ორგანოებთან. მგონია, რომ ყველაფერი კეთდება, რათა ევროკავშირში საქართველოდან რაც შეიძლება ნაკლები კრიმინალური დაჯგუფება მოხვდეს”, – განაცხადა სოფო კილაძემ.

ევროკომიის მიერ გამოქვეყნებულ პირველ ანგარიშში განხილულია აღმოსავლეთ პარტნიორობის ქვეყნების, მათ შორის საქართველოს მიმართ ვიზალიბერალიზაციის ამოქმედების პირველადი შედეგები. ანგარიშში ევროკომისია განსაკუთრებული სიმწვავით ორგანიზებულ კრიმინალში ქართველთა ჩართულობაზე მიუთითებს.