სალომე სამადაშვილი აცხადებს, რომ გიორგი რურუას ციხეში თავს დაესხნენ

"ნაციონალური მოძრაობის" წევრის, სალომე სამადაშვილის ინფორმაციით, ციხეში გიორგი რურუას თავს დაესხნენ. ამის შესახებ სამადაშვილმა "ფორმულას" ეთერში განაცხადა.

როგორც მან გადაცემაში "კომენტარი" აღნიშნა, მისთვის დეტალები უცნობია, თუმცა ის ამბობს, რომ რურუაზე თავდასხმა ხელისუფლების მხრიდან პოლიტიკური დაკვეთა იყო:

"ჩემთვის როგორც ცნობილია, დღეს ბატონ რურუაზე ციხეში განხორციელდა ფიზიკური თავდასხმა, ზუსტად არ ვიცი დეტალები, მაგრამ მას თავს დაესხნენ.

როგორც ჩანს, ეს იყო ციხის შიგნით შეგზავნილი პოლიტიკური დაკვეთა ხელისუფლების მხრიდან. ეს არის ის მეთოდები, რომლითაც ეს ხელისუფლება მუშაობს, ეს არ არის ჩვეულებრივი პოლიტიკური გუნდი, რომელიც ჩვენს ქვეყანას მართავს",-თქვა სალომე სამადაშვილმა.